Ka NPYF 1-Nartiang Constituency da pynskem Unit ko ha chnong Maskut deiwa wan chimbynta chongchit da kiwa boon ki khynroo kani ka chnong wei da sdang ya kani ka Unit da ka thong wow kreh neibynta ka imlang sahlang wei kiwa kitkaam man ki kamni ha wah:
President: U Damanki Kharbihthai
Secretary: U Convention Kharbihthai
Treasurer: U Forme Kharbihthai wa kiwi kiwi kiwa kitkaam
Ya kani ka yalang da pynlai da u Working President, u George Pariat wei da yoh yei sneiñ i kyntu ya ki khynroo ka chnong Maskut na u President yong ka NPYF 1-Nartiang Constituency, u Damechwa Dhar heiwa da ong u wa ka NPYF ymtoh ka seiñ du wow kreh ya ka Election tangwa ka seiñ neibynta ki khynroo khyllood ha ka imlang sahlang wei da kyntu u leh ya ki wow em i kitkhlieh ha ka chnong khnang wa ka mynried yong ka chnong Maskut u man ko kawa tyrchaaiñ.
Hawa pynkut ya kani ka yalang, u President yong ka Maskut Unit da pynsñiaw u yei kmen wa da yoh laad wow ya krehlang wa ki para khynroo ka Constituency hapoh ka chatri yong ka NPYF 1-Nartiang Constituency wei da kular u leh wow kreh doh wa mynsien neibynta ka imlang sahlang hapoh ka chnong.
Discussion about this post