Jowai : Hadien wa mih ki khubor wa kynnoh wa u Wailutki Suchiang da thok chukor u ya u N. Syngkon uwa na ka chnong Madan Kynsaw Mookyndeng deiwa chim ram u na oo T. 5 Lak wa T. 1.5 Lak yow pynyoh kreh pulit kamjooh leh da chim u na u S. Dkhar uwa na Raliang T. 20 lak kam ka ram ynne ka sngi ka bei wa u pa u Wailutki da saitkhooid ki neibynta yong oo ha ka chithi wa phah ki cha ki wa pynmih khubor deiwa ong wa waroh ini toh i thok suda.
Neiliang yong kiwa ha yung u Waitlutki da ong ki wa hei yatoh wa u N. Shadap, u Wailutki wa oo da chim ram lang ki T. 5 Lak yow seiñkhih ki wei da dep soi lang ki ya ka dostabit ka wa ong wa daw su u Wailutki ya ka ram ha u Khonchonglad (November) 2016 wei lada u Wailutki ym ye u u su, u N. Shadap ye u chim da ka kari Bolero Pick-up yong u pa u Wailutki.
Hei yatoh won wa ong u Wailutki Suchiang wa tipmit u namo yajan u wa u heh pulit, da ong wa ini leh toh iwa khlem nongrim ong u ma Bal Dkhar (pa) waka kong Seanbih Suchaing (bei).
Kam wow pynkynmoo da chah ujor FIR u Wailutki ha ki le ngut wa kynnoh wa thok poisa u ki.
Also Read: Dang mih pyrthai ki bru wa chah thok ha u Wailutki
Discussion about this post