Saitkhooid u James Sangma wa ym emkti ka SS Netcom ha ki kaam tooh lynba ka Internet

Shillong: U MLA ka seiñ NPP u James Sangma kamjoooh u heh ko da pynche u wa ka SS Netcom da e-wai ko ya ki kamra cha ki kattu katni ki Call Centre toh du hadien wa paan ko ya ki kot ki sla wa emkaam na u Rangbah Shnong wa na u Additional SP.

Ya kini ki Call Centre wa thok da chemdien ha uni u bnai wa dadep heiwa kiwa kreh da chukor ki ya ki bru nadooh na ka ri USA.

“Hadien wa chem wa ki kot ki sla yong ki, man ki kiwa sakhiat neiliang ka SS Netcom won da e-wai ko ya kini ki bru”, da ong u James.

Hei yatoh wa i yakrehlang ka SS Netcom wa kini ki seiñ da ong ko wa neiliang yong ka da smat ki u e yarap cha ki bor ka aiñ la heiwon iwon i por leh hei yatoh wa ini.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Da ong u leh wa ya ki kot ki sla da phah cha ki pulit wow pynsakhiat ya kini ki Call Centre heiwa wot na ki leh, da pynsakhiat ki ya kini ki kot ki sla yong kini ki company.

Hawa ong wa ini iwa jia toh iwa khlem poi pyrkhat u Sangma da ong u wa yooluti wa kiwa emkti ha ki kaam tyngkheiñ aiñ u chah pynchitom ki katkam ka aiñ.

Da ong u leh wa ymtoh u man i iwa miat wow pynmih yei pytuid kiwa chah suba heipor wa pynman ya ka takit khamtam ya ki bru kiwa tipmit ka imlang sahlang.

Ha kani ka tayaw wa dadep ki pulit da kwah ki u takit ya u MP ka Tura u Conrad Sangma hei yatoh wa kammon kani ka thaw krehkaam ko na i yung yong oo.