Pdengchakap: Kam chi wynta wow pynchlur yaki khynnah hei liang i puræ puthi, ka Elaka Satpator Doloiship haka sien kawa 7, da pynkup burom biang ko ïaki 41 ngut ki khon ka Elaka kiwa pass bha ha ki exam wapher iong ki kynthup nadooh ka SSLC hadooh ka Degree level Final Examination 2015.
Na pyrdi ki 41 ngut ki khynnah, 6 ngut toh kiwa wan haka kyrdan 1st class waka 1st division kini ki 6 ngut da pynkup burom yaki da ki Laptop Asus kiwa da e sniawbha da u MLA ka thaiñ u ma Stephanson Mukhim, katwa 35 ngut won da e daki Certificate wa ka song poisa kawa T 2,500 samen kawa da e sñiawbha daka Elaka Satpator Doloiship chirup wa u Dr.H. B.Synmon Officer I/C Pdengshakap PHC.
Ki 6 ngut ki khynnah kiwa da yoh pdiang ïa ka laptop Asus kynthup ki ïa u Pynnarbhah Suting uwa yoh 91.42% ha ka exam I.P.E 2nd Year (Science) naka skur Telangana State Board of Intermediate Education Hyderabad, u Khamti Lamare uwa yoh 88.66% haka exam SSLC naka skur H.K.Singh Memorial Secondary School Jowai, u Deimonmi Pohlong uwa yoh 84.33% haka exam SSLC naka skur Syiem Jingsuk Secondary, School Amlarem, u Hopingson Amse uwa yoh 84.04% haka exam 3rd year DCE naka Assam Engineer Institute, ka Hakanidahun Swer kawa ioh 82.33% haka exam SSLC naka skur Sevenset Higher Secondary School Shillong waka Hasina Mylliem kawa yoh 80.00% naka exam CBSE naka skur JNV Mukhla.
Yeini i pynkup burom da pynman haka 17 Naichiphaw ha yung Hall ka Elaka Pdengshakap hei pynlai u ma Kennedy Shylla hei emlang chirup u ma Stephanson Mukhim MLA ka thaiñ kam u kongsan, u B. Sungoh BDO Amlarem Subdivision, ki khynnah kiwa chah pynkup burom, ki bei ki pa yong ki khynnah, wa kiwi kiwi ki dkhot ka Elaka.
U ma Stephanson Mukhim kam u kongsan hawa klam hakani ka ong uwa i dooh i duk hi ym ye i u khanglad khang luti ïa u lane ka bru u kynjoh ki yaka thong yong i nang i stad hynrei kayi kawa emkam tam toh du i kreh chitom donhi ka wow yah ïaki cha ka thong yong ka jingjop.
Ha kani ka sngi da yoh yei klam sneiñ kyntu kynpham yaki khynnah na u ma L. B. Sumer Adviser ka Elaka, na u ma S. Pohkyrnu Acting Doloi, na u ma Timonmi Pohkyrnu Headmaster Joylyone Memorial Secondary School Trangblang wana u khynnah skur u Hopingson Amse.
Da pynkut ya ka yalang pynkup burom dei saam khusnam cha ki khynnah da u kongsan, u Dr.H.B. Synmon, u ma B. Sungoh BDO waki dkhot ka Elaka.
Discussion about this post