Shillong: Ka Chairperson ka Meghalaya State Commission for Protection of Child Rights da booh ko ya ki FIR hei yatoh wa chah slaitbor ka khynnah wa 14 snem kawa da mih pyrtuid leh u MLA ka Mawhati u Julius Dorphang.
Ha ki FIR da ong wa uwi u bru wa em dukan wa pyllang ki nar wa ki tin wa jæd (Scrap Dealer) wa tip kam u Hasan da slaitbor u ka hapoh i dukan yong oo. U wi u bru na Borsora da slaitbor u ka hapoh iwi i hotel wa em ha Police Bazar, Shillong. U wi u bru wa tip kam u Hosor wa dai tim da slaitbor u ka ha i yung ka Mamoni kamjooh leh ha ini i jooh i yung uwi u bru wa tip kam u Apu na Jowai wa u Sagar da yah lang ki wa uwi u bru wa kreh kam u chipai uwa da slaitbor ya kani ka khynnah.
Da ong leh ha ki FIR wa kani ka khynnah da phla ko wa uwi u bru na ka chnong Dawki u wa tipmit wa ka Mamoni da slaitbor u ka ha i yung ka Mamoni wa ha iwi i yung ka bru wa tip kam ka Mary wa em ha Demthring ar sien.
Ha i yung yong ka Mamoni biang u wi u bru wa tip kam u Prof. Roy da slaitbor u ya kani ka kynthai. Katwa ha Ri-Bhoi won u Julius Dorphang da slaitbor u ya kani ka khynnah.
Discussion about this post