Da: U Edison Shylla
Da wan hiar u slap sachisien cha pyrthai,
Sa ka la-ær wa beh na jngai cha jngai.
Sa i sur wa pah, na ki sim ki doh
Yow pynkynmoo ya ki paaid waroh.
Chaad Sukra wasuk, Chaad Sukra wakmen.
Yow sdang biang i, u pyntoh pynbiang.
La ha i khih i khan i puræ puthi,
Jar jiar i kaam wot yong nga wa yong phi.
Ki samoi wa da lai, da phet da jngai.
Wa ki loom da yirngam, wa ki wah wa kai.
Hai hai da sep wa smat i por,
To man ki bru wa tip u kheiñkor.
Chaad Sukra wasuk, Chaad Sukra wakmen.
To ya khublei kitbok, i mar kylliang
Yow man soh man sla, iwa mut wa thmu.
Yoh i nang ku, hei long bru manbru .
