Sangeh i e Trading License thymme, wei toh u biah ya ki License wei pyrtuid kiwa kreh hapoh dukan: Dawa ka JSU

Ka Jaiñtia Student Union hapoh i yahkhmat u Neilkee Mukhim uwa man u General Secretary deilang ki dkhot, ynne ka sngi da lai yachem ki ya u CEM ka JHADC, u Thombor Shiwat wow dawa na oo wa toh u sangeh noh i e Trading Licence thymme cha ki baar jylla, khamtam neibynta kawon kawon ka jait khih wa ye hi u kreh da ki tre jylla.

Heijooh i por wa ki baar jylla u biah ki hapoh dukan yong ki ya ki Trading License kamjooh i pyrtuid yong kiwa kreh waroh.

ADVERTISEMENT

Deiwa pynrap leh wa kamwa man katni da yoo wa wot yei kaam wa khian wa ye u kreh da ki bru yong i hi leh da kreh da ki baar jylla, nalor wa boon hi toh ki wym em ya ki License.

Da dawa leh ymtoh u e NOC neibynta wow chna luti rel ha Ri-loom Jaiñtia kat wympu yoh ya ki laad yada kam ka ILP.

Related posts

Chargesheet ki pulit ka Delhi ya kiwa tynyap ya u Manipuri

October 20, 2026

Pynbaad uwa laike cha ka kchaaid Phe Phe wa chah chim kabu ha ki bru wa phah su bai Guide, bai psiah wa bai Life Jacket

October 20, 2026

Chooh chooh wow leh deiwa khor ya ki bru wa benami namo wa pynchah pyrtuid ya ki dukan wa man tre da ki baar jylla katkam ki kyndon yong ka aiñ Benami Transaction Prohibition Act-1998 neibhah wa kani ym du wa ktah ko yei kamai kajih ki bru yong i tangwa wot ya ka yarong poisa ka Council leh kamjooh.

Kamtæ hajrong ini ka JSU da dawa ko na ka JHADC wow pynman i lai sylli ya ki dukan ki baar jylla lym kamtæ ka seiñ daw chim ko da kawi won ka luti.

Neitæ  hajrong i dawa yong ki wow sangeh e NOC thymme cha ki baar jylla, u Neilkee Mukhim da khana u wa sñiawkmen ki neibhah wa u CEM da kular u wow rah yaklam ya kani ka mat hapoh ka EC.