Sangeh ka RBI u chon ya ka T. 2,000 wa sdang won u chon ya ki T. 200

by Wyrta Staff

July 26, 2017

Reading Time: 1 min read

Jowai: Ka Reserve Bank of India (RBI) da sangeh ko u chon (print) ya ki poisa kot wa T. 2,000 wei da sdang ko u chon noh sa ya ki poisa wa T. 200, da ong leh wa ym chon de ya ki T. 2,000 ha uni u snem.

Ki khubor da ong wa ka RBI u sdang ko u chon ya ki poisa wa khian yow pyndap pynbiang ya i duna ki poisa wa khian.

Ini waroh wan i hadien kamwa 10 bnai hadien wa ka sorkar hapoh u Montri Rangbahdooh ka ri u Narendra Modi da tynyap ko ya ka poisa kot wa T. 500 wa T. 1,000.

Ka khubor da ong leh wa da em la kattu katni por wa da antaad wow mih noh sa ki poisa kot wa T. 200 wei kini ki poisa ye ki u mih ha uni u Naisaphra.