Hadien wa em i oor khyndaw wa joor bha, da chah ktah ka luti rel na Lumding cha Badarpur heiwa da chah tymmoh hadooh kamwa 100 metre ka luti rel.
I kreh wow pynkhooid ya i khyndaw daw neh i kamwa chi tayaaw da pyntip ki heh ka chnat rel.
Ki heh ka NFR da kyntu ki ya ki paidbah wow booddien ya ki pynbna wa tikna na ka chnat.
Da pyntip leh wa da pynemkaam hadooh 25 tylli ki poohchiloom, ki Dumper wa palat 200 ngut kiwa kreh wow pynkhooid ya kani ka luti.
U Divisional Railway Manager, Lumding Assam (DRM), u Samir Lohani da booddien u ya ini i pynkhooid ynnin heiwa da ong u wa palat sanphaw hajar ton i khyndaw wa da oor na u loom wa em haneiñ.
Discussion about this post