Shillong: Ki wakreh ka Meghalaya Energy Corporation Limited (MeECL) hapoh ka lama yong Coordination Committee of Registered MeECL (Employees) Associations and Unions, ynne ka sngi da pynbna ki wow sangeh yei yakhih hadien wa neiliang u CMD yong ka, u Arun Kumar Kembhavi da kular u wow pynlait noh ya ka tulop wa dang sah nadooh u Naichiphaw uni u snem.
Ynne ka sngi neiliang ka Union da pteiñ ko ya i yakhih deiwa chong chah thngan ha pchem ka yung krehkaam kawa em ha Lumjingshai, Shillong tangwa hadien won neiliang u CMD da khut yaklam u wa ki deiwa kular wow pynlait noh ya ka tulop yong ki ynne ka sngi.
U PK Shulet uwa man leh u President ka Union da pyntip u wa i yaklam da man i iwa jop wei neiliang ki bor ka MeECL da pdiang ki ya ki kattu katni ki mat dawa ka Union wa kynthup wow pynlait noh ya ka tulop, wow pynlait biang por noh ya ka tulop yong waroh ki wakreh wa kiwi kiwi ki mat dawa wei khamtam wow pynsangeh yei pynkrehkaam ya ki Smart Meter.
