Ka Meghalaya da ye ko wow ksoh ya ka Assam da 1-1 yow pyntikna yei thaw yong ka ha ka Final Round ka Senior Men’s National Football Championship ka Santosh Trophy 2024-25 ha ka yalehke wa da pynman ha Nalbari, Assam ynne ka sngi.
Ka Meghalaya deiwa ya Drawn ynne wei deiwa jop ya ka Nagaland wa Arunachal Pradesh, da yoh nyngkong ko ha ka Group E deiwa yoh 7 Point. Kam wow pynkynmoo wa du kiwa yoh nyngkong kiwa ye u psiah cha ka Final Round kani ka Santosh Trophy.
U Coach ka Meghalaya, u Hering Shangpliang da pynkylla u du uwi donhi deiwa pynyalehke da u Baiaikara Swer wei da pynchong u ya u Kevin Rymbai kiwa yalehke Midfield.
Ka Meghalaya da emkaam ko wow ya Drawn donhi yow yoh ko u lai chakhmat wei u Damanbhalang Chyne da yarap u ya ka Meghalaya wow thap nyngkong ha ka minit wa 56 tangwa ka Assam da yoh Penalty ko ha ka minit wa 88 wa thap da u Dipu Mirdha.
Ka Meghalaya da ye ko wow khanglaad ya ka Assam kawa da ban bha yow yoh yei jop.
Yei naam Player of the Match da yoh u Damanbhalang.
Ya kiwa yalehke ka Meghalaya da wan wow kyrchaan ynne da u President ka Meghalaya Football Association, u Hamletson Dohling, u MFA General Secretary, u Sunesh Syiem wa uwa e buit ka sorkat Meghalaya, u HM Shangpliang kiwa da lai cha Nalbari yow e mynsien ya kiwa yalehke.
Ka Meghalaya kattu u em ko ha ka Group B deilang ka Goa, Tamil Nadu, Kerala, Delhi wa Odisha. Waroh da em 9 tylli ki Group hawa sdang.
Kiwa yaleh ke Meghalaya ynne:
Siwel Rymbai (GK), Overkindness L Mawnai, Arlangky Nongsiej, Donborlang Nongkynrih (sub Banraplang Pyngrope 45’+4), Wanboklang Lyngkhoi, Aibiangmame Nongneng (sub Fairming Suting 77′), Robertson Khongriah, Fullmoon Mukhim, Damanbhalang Chyne, Baiaikara Swer, Donlad Diengdoh (sub Aenam Jyrwa 90′)
Ki yaleh ka Meghalaya ha ka Final Round:
vs Tamil Nadu, 15 December
vs Kerala, 17 December
vs Delhi, 19 December
vs Goa, 22 December
vs Odisha, 24 December
Discussion about this post