Ka Meghalaya ynne da rem ko da 1-0 ha ka Kerala kam chibynta ka Final Round ka Senior Men’s National Football Championship ka Santosh Trophy 2024-25.
Ya ka Kerala da thap da u Muhammad Ajsal ha ka minit wa 37 ka yalehke ka Group B.
U Coach ka Meghalaya Hering Shangpliang da pynkylla u ya ar ngut kiwa yalehke chwa u sdang ka yalehke deiwa thap da u Badondor Marbaniang wa u Khrawkupar Jana heithaw u Aibiangmame Nongneng wa u Baiaikara Swer.
Ka Meghalaya da yoh ko boon ki laad wow thap kool heiwa da toh ha u deiñ kool ar sien.
Ha kiwi won ki yalehke ka Group B, ka Odisha da jop ko ya ka Goa da 2-0 katwa ka Delhi da jop ko ya ka Tamil Nadu da 2-0 hi. Ka Delhi wa ka Kerala da yoh nyngkong ki ha kani ka Group deiwa yoh mar 6 Point na ar tylli ki yalehke katwa ka Odisha da em ko hei wa le deiwa yoh 3 Point.
Ka Meghalaya wa Tamil Nadu da yoh ki mar chi Point tangwa da tam ka Meghalaya deiwa kheiñ ya ka Goal Difference (-1 la -2). Ka Goa da em ko ha tre dooh deiwa yoh nod.
Ka Meghalaya kattu daw yachem ko wa ka Delhi ha ka 19 tarik heipor 2:30 i sngi.
Discussion about this post