Ka Meghalaya da yoh ko yei jop wot hadien wa chah pyntam da ar kool ha ka Arunachal Pradesh ha ka yalehke wa nyngkong ka Group E yong ka Senior Men’s National Football Championship ka Santosh Trophy 2024-25 wa da pynman ha Nalbari, Assam ynne i step.
Ka Arunachal ha iwi i por da tam ko da 3-1 chwa u thap ka Meghalaya ki kool kawi hadien kawi yow jop da 4-3.
Ka Meghalaya da yoh ko wow thap nyngkong da u Overkindness L Mawnai (8′) tangwa ka Arunachal da su kylliang ko ar tylli ha ka kylla step lyngba u Omang Dodum (15′) wa u Tagru James (45’+1).
Ha ka kylla miet, ka Arunachal da thap ko sa ka kool wa le ha ka minit wa 61 na u Tarh Dolu tangwa hadien ini da chimkti kiwa yalehke ka Meghalaya deiwa thap chwa u Fullmoon Mukhim ha ka minit wa 63, u Robertson Khongriah ha ka minit wa 65 wei da thap biang u Fullmoon ha ka minit wa 83 uwa man leh kam u Captain uwa da yoh leh yei naam Player of the Match.
Ha kani ka Group E hi, ka Nagaland da jop ko ya ka Assam da 2-1 ynne.
Ka Meghalaya kattu daw yachem ko wa ka Nagaland ha ka 22 tarik heipor 9:00 waje i step ha kani ka thaw ha Assam. Wei du kiwa yoh nyngkong na kawi pa kawi ka Group kiwa daw yoh u lai chakhmat.
Kiwa yalehke ka Meghalaya ynne:
Siwel Rymbai (GK), Overkindness L Mawnai, Arlangky Nongsiej, Donborlang Nongkynrih (sub Aenam Jyrwa 64′), Wanboklang Lyngkhoi, Aibiangmame Nongneng (sub Deibormame Tongper 64′), Badondor Marbaniang (sub Robertson Khongriah HT), Damanbhalang Chyne (sub Baiaikara Swer 85′), Fullmoon Mukhim, Kevin Rymbai, Donlad Diengdoh (sub Banraplang Pyngrope 85′)
Discussion about this post