Ka Meghalaya da yoh ko wow psiah Quarter Final ha ka Senior Men’s National Football Championship ka Santosh Trophy 2024-25 deiwa jop ya ka Goa da 1-0 ynne ha ka yalehke ka Group B wa pynman ha Hyderabad.
Ka Meghalaya da yoh laad ko wow thap boonsien tangwa da psiah kawi donhi ha ka minit wa 89 yow yoh yei jop.
Ini da jia i hadien wa uwa yang dien ka Goa da taan u ya u Deibormame Tongper heiwa u Referee da e u da ka Penalty kawa chim wow chut da u Damanbhalang Chyne uwa da pyntikna wym em lai ko cha rood.
U Coach ka Meghalaya, u Hering Shangpliang ynne da pynkylla u ya ar ngut chwa wow sdang ka yalehke deiwa thap da u Fullmoon Mukhim wa u Owanijuh Pajuh deiwa pynchong ya u Arlangky Nongsiej wa u Khrawkupar Jana.
Da ini i jop, ka Meghalaya da ku ko chei wa ar iwa dang ye hi ka Delhi wow knieh yeini lada jop ko myntu, tangwa ka Meghalaya da dap Point ko yow neh ha ka Top 4 yow psiah Quarter lada jia katwa jia leh ha ki yalehke wa daw pynman.
Ka Kerala da em ko 9 Point, Meghalaya 7 Point, Delhi 6 Point, Odisha 4 Point, Goa 3 Point katwa ka Tamil Nadu 2 Point.
Ka Meghalaya kattu daw yachem ko wa ka Odisha ha ka 24 tarik heipor 9:00 waje i step kawa man leh ka yalehke wa khaddooh kani ka Group.
Discussion about this post