Ka Meghalaya da wan ko nadien hadien wa chah thap ar kool yow pynkut ya ka yalehke da 2-2 pyrchah ya ka Tamil Nadu ha ka yalehke ka Senior Men’s National Football Championship ka Santosh Trophy 2024-25 kawa man leh ka yalehke wa sdang ya ka Final Round wa pynman ha Deccan Arena ka Hyderabad ynne ka sngi.
Ya ka Meghalaya da thap da u Damanbhalang Chyne (50′, 69′) ha kani ka yalehke ka Group B hadien wa ka Tamil Nadu da thap chwa ko ha ka kylla step lyngba u Pandiyan Sinivasan (28′) wa u Alexander Romario Jesuraj (45’+2).
Hawa sdang ka kylla miet, u Coach ka Meghalaya, u Hering Shangpliang da sai u da u Khrawkupar Jana wa u Fairming Suting yow pynkylla ya ka yalehke heiwa da yoh u Damanbhalang wow thap kool.
Haien wa ye u thap ar tylli ki kool, ka Meghalaya da pyrchang ko wow pynyoh yei jop deiwa pynyaleh da u Deibormame Tongper heithaw u Donlad Diengdoh, kiwa waroh ar wa man kam ki Striker tangwa da hap wow hun da chi Point ynne ka sngi.
Chwa ini, ka Kerala da jop ko ya ka Goa da 4-3 kawa man ka yalehke Group B hi.
Ka Meghalaya kattu u yachem ko wa ka Kerala ha kani ka 17 tarik heipor 7:30 i miet.
Discussion about this post