Ki yalehke ka Super Division ka Saipung Block Sports Association (SBSA) wa pynman ha chnong Lamyrsiang da pteiñ biang ynne ka sngi da ar tylli ki yalehke.
Ha ka yalehke wa nyngkong kawa hapyrdi ka Moolait United waka Jarain SC, da jop ka Moolait da 4-0.
Ya ki kool da thap da u Phrang Pakem ha ka minit wa 30, u Romaio ar kool ha ka minit wa 67 wa 73 wa u Bing Chyrmang ha ka minit wa 79.
Ha ka yalehke wa bood kawa hapyrdi ka Lamyrsiang SCC waka Narwan SC, da jop da ka Lamyrsiang da 2-1.
Ya ka Lamyrsiang da thap kool da u Care Syrti ha ka minit wa 11 wa u Pol Tariang ha ka minit wa 54 katwa ya ka Narwan da thap da u Thymmaibor Syrti ha ka minit wa 62.
