Ki yalehke ka Super Division ka Saipung Block Sports Association (SBSA) wa pynman ha chnong Lamyrsiang, ynne ka sngi da sdang da ki yakhun Semi Final (Fist Leg) da ar tylli.
Da sdang da ka yakhun hapyrdi ka Mulait United FC waka Lamyrsiang SCC heiwa da jop da ka Mulait da 1-0 da ka kool wa thap bakla da uwa yalehke ka Lamyrsiang u Riki Phawa ha ka minit wa 11.
Ha ka yalehke wa bood, ka Latyrke SC da yachem ko waka Jalaphet Bri Sumer heiwa ka Latyrke da jop ko da 2-1.
Ya ka Latyrke da thap kool da u K. Lalchhuan Sanga ha ka minit wa 8 wa u Vanlaldon Hmar ha ka minit wa 23 katwa ya ka Jalaphet da thap kool da u Bantei Shylla ha ka minit wa 47.
Ki Semi Final u pteiñ da ka Second Leg kawa daw pynman ha ka 1 tarik u Naichiphaw hapyrdi ka Jalaphet Bri Sumer SC waka Latyrke SC heipor 12:00 waje pyrdi sngi wei daw pynbood sa ka Lamyrsiang SCC waka Mulait United FC heipor 2:00 waje i sngi.
