Jowai: Ka Load Shedding namo i pyndooh bordiñ hapoh ka jylla u sdang biang i nadooh myntu ka 21 tarik neidaw wa da sdang duna um ki thaw pyllang um wa i duna i yoh bordiñ naka NEEPCO.
Ki District wa em ha ri-loom Garo u dooh bordiñ ki nadooh 3 waje i step hadooh 6 waje i step.
Ka Shillong wa kiwi ki thaw wa em cha ri-loom Khasi u dooh bordiñ ki nadooh 9 waje i step hadooh 11 waje i step katwa ha ri-loom Jaiñtia won nadooh 11 waje i step hadooh 12 waje pyrdi sngi wei pynbood biang nadooh 2 waje i sngi hadooh 3 waje i sngi.
Cha kiwi ki thaw kam cha Mawphlang hadooh Nongstoin wa Sohra u dooh bordiñ nadooh 12 waje pyrdi sngi hadooh 2 waje i sngi.
Daw pynlait na ini i dooh bordiñ haka sngi Christmas waka sngi lehkmen snem thymme donhi wei u pteiñ biang i kamwa jooh hadooh wa pyntip ka sorkar da iwi tawan.
Discussion about this post