Ha kini ki sngi wa dadep da sakhi wa da sdang biang i tymplæh bordiñ, namo ka Load Shedding ka MeECL ha waroh ka Ri-loom Jaiñtia wa ka jylla hi waroh kawi.
I por wa pyndooh bordiñ ha Ri-loom Jaiñtia man i nadooh pyrdi synyaw 12:00 waje hadooh 5:00 waje i step wa nadooh 12:00 waje pyrdi sngi hadooh 2:00 waje i sngi.
Hawa yaklam wa ki kattu katni ki sahep kani ka chnat da ong ki wa ymtip neiyi i daw wa sdang biang ka Load Shedding.
Katkam ka yutip wa da yoh da ong wa ka MeECL ymjoh bor de ko wow thied bordiñ na wi kam na ka NEEPCO, ka Power Grid wa kiwi kiwi kam nachwa neibhah wa da duna poisa ware ko.
Hawa yaklam wa ki kattu katni ngut ki bru chemphang kiwa tip chaphang i kaam wa yatoh wa ka MeECL da ong ki wa i kjut ka MeECL man i iwa da ware bha, heiwa da joor ka ram wa toh u su wei hajrong itæ i ye wow pynmih bordiñ man iwa duna hawa nujor wa i emkaam bordiñ ha ka jylla.
Chooh chooh da ong wa em ki bynta yong ki thaw wa pynmih bordiñ ha ka jylla wa da man ki kiwa thut i krehkaam katni.
