Ka lehkmen Christmas ha chnong Jowai da sdang chit ko ynne i miet ka 23 tarik deiwa pynman ki Balang wa em ha Jowai ya ki lehkmen deiwa thang Bonfire, ki yaseiñ miet, ki chaad, ki rwai kam ha Balang Presbyterian Jowai, Balang Presbyterian Ladthadlaboh, Balang Presbyterian Mynthong waka Balang Presbyterian Khimusniang.
Ki dong ki chnat ka chnong Jowai leh da che da thaba ki da ki khrik-khrak ha tymbud luti neitæ ki khloor Christmas, ki dieñ Christmas wei da em leh ki kpær Christmas wa da pynkhreh kyrpang ha Ladthadlaboh wa ha Khimusniang.
Na waroh won, ka Dorbar Chnong Lum Pariat da tyrchaaiñ ko da ki khrik-khrak kiwa da wah na chiliang cha chiliang sarok iwi hadien iwai iwa nawa sdang hadooh wa kut u luti chnong.
Kiwa boon ki yung ki sem ka chnong Jowai leh toh kiwa da pynriam da jar jiar i buit i stat yong ki tre yung deiwa phooh wa phieñ kamjooh leh ka yung krehkaam u DC waka JHADC.
Ha kini ki sngi wa dep da pynman leh ya ki lai chaad Christmas Carol kamjooh jooh leh man-u-snem.
Neiliang i ha u Wyrta leh e khublei Christmas kamjooh u snem thymme wa suk wa kmen ya phi waroh yow yoh phi dei chait i khiah wa i hoi khih hoi khan wei wow jop phi ha waroh iwa daw pyrchang wei wow yoh phi leh ya iwa angnood phi.
Chi hajar ngooh.
Discussion about this post