Ki seiñ wa pynlai Hotel wa Restaurant wa em ha ki sorbah kam ka Bengaluru, Chennai wa Mumbai da pynsñiaw ki yei khuslai wa duna ki Commercial LPG Cylinder kiwa pynemkaam ha ki thaw chet ki neidaw wa dang pteiñ ka thma ha Middle East.
Neiliang ka Ministry of Petroleum and Natural Gas leh da ong ko wa nei long i man wa kattæ da pynmih ya ka hukum wow phah ya ki karkhana (Oil Refineries) wow pynjoor ki yei pynmih ya Domestic LPG.
Ka Ministry da pyntip ko leh wa u chah wow leh Booking chisien 25 sngi donhi yow lait u em kitu kiwa ksoh boon tylli.
Da pyntip wa kiwi won ki jait LPG ki wym em pynemkaam ha ki yung ki sem da booh ki hakhmat kam kitu kiwa pynemkaam ha ki Hospital wa ki thaw puræ.
Kam wow pynkynmoo wa ini wa dep, ka sorkar da pynku ko yei dor Domestic LPG da Rs. 60 katwa ki Commercial LPG won da Rs. 115.
Neiliang ka Bangalore Hotels Association da ong ko wa pyn na myntu ki Hotel wa Restaurant wa em ha kylleiñ ka sor daw chah ktah ki wei ye wa hap u khang ki nadooh mynstep.
Da ong ki wa ki leh ya ki kaam wa emkaam neibhah nadooh kiwa lai puræ, kiwa kreh pynemkaam ki ya ki Restaurant wei ini wadep da kular ya ki wym thut ini i pynpoi LPG hadooh 70 sngi tangwa syndet syndet da duna.
Ki Hotel wa Restaurant ha Chennai leh da ong ki wa da eh bha neibhah kini ki kaam yong ki toh kiwa krehkaam 24×7 wei da pynpoi baam ki cha ki IT Park, ki College Hostel, ki Train wa kiwi de wei lada thut i pynpoi ya ka Commercial LPG daw hap wow khang syndon ki iwa daw ktah ya kiwa boon.
Da e nongmuna wa wot ki khawai wa dadep pynbait chet leh daw hap wow pyndam ki.
Ka sorkar da pynche ko wym em phah pynsangeh yei pynmih ya ki Commercial LPG tangwa kamwa yoo wa jia ini phær i neibhah wa kiwa Supply ym ye ki wow pyndap yeiwa emkaam.
Discussion about this post