Ka Ministry of Consumer Affairs, Food & Public Distribution da pyntip ko wa ha u Naichiphaw ka sorkar pyrdi da pynhiar ko ya ka dan wa da kheiñ ko ha ki phniang baam ki wym pu dep u chna pynkhooid kam i Crude Palm Oil, Crude Soyabean Oil wa Crude Sunflower Oil na 2.5% cha nod kam chibynta wow pynhiar yei ku dor i phñiang baam la chi snem kattu. Da pynhiar leh ya ka Agri-cess yong kini ki phñiang na 20% cha 7.5% neibynta i Crude Palm Oil wa 5% neibynta i Crude Soyabean Oil wa Crude Sunflower Oil.
Hadien wa pynhiar ya ini waroh, ka dan (Duty) da man ko 7.5% neibynta i Crude Palm Oil wa 5% neibynta i Crude Soyabean Oil wa Crude Sunflower Oil. Da ah leh ya ka Duty i RBD Palmolein Oil, Refined Soyabean wa Refined Sunflower Oil cha ka 17.5% naka 32.5%.
Chwa wow pynhiar, ka Agricultural Infrastructure Cess yong waroh ki phñiang baam wym pu dep u chna pynkhooid (Crude Edible Oils) da man ko 20%. Hadien wa pynhiar, ka dan i Crude Palm Oil u man ko 8.25%, i Crude Soyabean Oil wa Crude Sunflower Oil u man ko mar 5.5%.
Yow ye u ksoh yow lait u ku dor ki phñiang baam, ka sorkar da pynbait ko ya ka dan hawa wanrah phñiang baam na baar kam i Palm Oil , i Sunflower Oil wa i Soyabean Oil, wei i khayi ya i Mustard Oil ha ka NCDEX da phah pynsaneh wei da phah leh wym toh u duna i em ini i phñiang.
Kiwa boon wa dai phñiang baam kam ka Adani Willmar wa Ruchi Industries da pynhiar ki yei dor Wholesale da T. 4 -7 chi liter. Ya ki dor da pynhiar yow pynsuk ya ki paidbah khamtam ha kini ki samoi lehkmen.
Kiwi de kiwa da pynhiar yei dor Wholesale i phñiang baam toh ka Gemini Edibles & Fats India, Hyderabad, Modi Naturals, Delhi, Gokul Re-foils & Solvent, Vijay Solvex, Gokul Agro Resources wa N.K. Proteins.
Hanla i dor dang man hi i iwa syad ha ki yaw ki haat ka pyrthai, i tuklar ka sorkar pyrdi deilang wa ki sorkar jylla daw wanrah ko yei duna i dor i phñiang baam.
I dor i phñiang baam toh iwa syad bar ynnin u snem hadooh uni u Naichiphaw tangwa da sdang i wow hiar. Ka sorkar da pyntip ko leh wa da yaleh wow pynkhlan yei pynmih yei phñiang baam hapoh ka ri yow lait nei hap wow chalan na baar ri.
I kylla i dor phñiang nadooh ka 31-10-21 hadooh ka 03-11-21 chi Kg katkam ka yukheiñ ka sorkar man ko kamni ha wah:
I Palm oil da hiar ki da
- Delhi- Rs. 6
- Aligarh-Rs. 18
- Jowai, Meghalaya- Rs. 10
- Dindigul, TN- Rs. 5
- Cuddaalore, TN- Rs. 7
Groundnut Oil da hiar i da
- Delhi- Rs. 7
- Sagar, MP-Rs. 10
- Jowai, Meghalaya- Rs. 10
- Cuddalore, TN- Rs. 10
- Karimnagar, Telangana- Rs. 5
- Aligarh, UP- Rs. 5
I Soya Oil da hiar dor i da
- Delhi-Rs. 5
- Ludhiana, Punjab- Rs. 5
- Aligarh, UP- Rs. 5
- Durg, Chattisgarh- Rs. 11
- Sagar, MP- Rs. 7
- Nagpur, Maharashtra- Rs. 7
- Jowai, Meghalaya- Rs. 5
I dor Sunflower Oil da hiar i da
- Delhi- Rs. 10
- Rourkela, Orissa- Rs. 5
- Jowai, Meghalaya-Rs. 20
