Shillong: “I yada nei yoh kjut man i iwa bha bar yei chah sumaar,” da ong ka Isawanda Laloo, Deputy Commissioner, South West Khasi Hills District heipor wa wai ko ya ka Intensified Diarrhoea Control Fortnight (IDCF) 2018 waka Breastfeeding Week (Mother’s Absolute Affection) kawa pynman ynne ka sngi ha Community Health Centre, Mawkyrwat hei emlang u Dr. Sharad Babu, WHO Consultant, ki Doctor wa kiwi kiwa chah khut sñiawbha.
Ka DC da ong ko leh wa yow pynsñiawthooh paidbah yow tip ki u yada nei kjut pynhiar kiwa poor lyngba ka um iwa da ktah ya ki khynnah wa em hapoh 5 snem wa yei emkaam wow e yimbu khon toh kiwa kongsan tam wow yaleh pyrchah ya kani ka kjut.
Da pyntip ko leh wa daw sdang ya ka Measles-Rubella Vaccination Campaign heiwa da khut lang ya waroh wow yakrehlang ki ha kani ka e dawai tika yow lait ki khynnah u chah ktah na kini ki jait kjut.
Neiliang u Dr. Sharad Babu da kdaw u wa ka kjut pynhiar toh kawa chim chiboon ki mynsien khynnah wa dang hapoh 5 snem wei emkaam wow man kiwa leh khooid hei rukom lai paikhana wa i leh khooid iwa ye u pynwiar ya ini i kjut.
Discussion about this post