Ki MCS Officer yong u snem 2025 ka Meghalaya kiwa em 35 ngut kiwa kattæ dang leh ya ka Training ha Meghalaya Administrative Training Institute (MATI), Mawdiangdiang, Shillong. Ha ka sngi pdiang ya ki ha ka 22 tarik da yoh ki yei pdiang burom lyngba u Dr. Andrew Simons, Commissioner & Secretary ka Meghalaya Legislative Assembly, uwa da khana ya ki yei rukom krehkaam ka dorbar chna aiñ.
Da batai bniah u leh hadooh i rukom krehkaam ka Parliament wei kamjooh leh kammon da wanrah ya ka aiñ wa kiwi de wei kamjooh iyi i kaamram yong ki MCS wow kyrchaan ya ka Meghalaya Assembly. Kamtæ da pynchlur u ya ki wow puræ bniah ki ya ki kyndon neibhah wa man ko iwa emkaam bha ha ka synchaar paidbah.
Ka e sikai ha MATI toh ha waroh ki liang kiwa yatoh wa i chakri paidbah yow man kini ki MCS kiwa da pynkhreh yow pynhun yeiwa dawa ki paidbah.
Da lai yah leh ya kini ki MCS Trainee Officer cha ka kamra krehkaam u Speaker ka Meghalaya Legislative Assembly, u Thomas A. Sangma ha Assembly Secretariat, Shillong uwa da pdiang sñiawbha ya ki deiwa e mar kawi ka chithi cha ki kiwa em ki kyntien pynchlur wei da e u leh ki kyntien sneiñ ya ki wei da pynche u leh yeiwa da kylli wym sñiawthooh ki.
Najrong i yoh sikai hapoh ki kamra, da lai yah ki leh cha kiwa boon ki thaw ha ki District ka Meghalaya yow yoh ki wow yoo dei khmat yei krehkaam.
Discussion about this post