Ka Mih-Myntdu Community Social Welfare Association (MCSWA) ynnin da sdang ko ya ka e sikai yow man kam ki General Duty Assistant & Home Health Aide ha ka yalang wa pynman ha DMF Building Dienchynrum heiwa da wan wow embynta da ka Additional Deputy Commissioner, East Jaiñtia Hills District, ka J.U Kharpuri deiwa emlang u District Medical & Health Officer, East Jaiñtia Hills District, u Dr. D. Shylla.
Ka Kharpuri da pynsñiaw ko yei sñiawngooh ya ka MCSWA wa da e ko ya kam ya kani ki sikai kawa daw pynmyntoi bha ya ki khynroo khyllood ka District yow pait u sumaar ya kiwa kjut chitom ha ki yung ki sem ki bru.
Da kyntu ko leh ya kiwa wan wow chah sikai wow chimkhia deiwa kyntu leh ya ki bei ki pa wow chah ya ki khon ki wow lai kreh cha baar ka jylla neibhah yarap ko ya ki wow tip ki ya iwa boon wa thymme.
Neiliang u Dr. D. Shylla hawa e yei klam da ban joor u yei emkaam wow e ya kam kini ki Skill Training yow yarap pynyoh kreh ya ki khynroo khyllood ha ki por wow wan.
Kiwi de kiwa klam toh u Chief Functionary MCSWA, u A. J. Nongkynrih, u Skill Development Officer, East Jaiñtia Hills District, u L. Suchen waka Skills Manager Programme MCSWA, ka R. Patlong.
Discussion about this post