Ynne ka sngi ka Lion Sports And Youth Affairs (LSAYA) yong ka Mission Compound, Jowai da sdang pynman ko ya ka lehkmen dap 25 snem yong ka heiwa u MLA ka Jowai, u Wailadmiki Shylla da man u kam u kongsan katwa u EAC ka West Jaiñtia, u MA Challam da man u kam u symbood kongsan.
Ya ka LSAYA da seiñ ha u 1996 hajrong ka thong wow pynku ya ki sap yalehke Sports ki khynnah liang wanang.
Ha kani ka sngi da em ka yalang wa pynlai da u KF Mukhim wei da yoh ya ki kyntien pdiang burom na u Rev. CL Laloo wa i puræ ya ka Kotbah wa u duwai na ka Mary James Syngkrem.
Hawa e yei klam kam u kongsan, u Wailadmiki da ekhublei u ya kiwa yahkhmat ka chnong wa ye ki wow poi hadooh kani ka thong wei emkaam leh wow man kiwa yatylli ha ka chnong khnang wa kiwon kiwon ki kaam yong ka u man ki kiwa lai bait.
Da ong u wa kam ki khynroo khyllood emkaam wow em ya ka thong wei manda em ka thong emkaam wow minot wow poi ha ka hanla em ki moochynthut wa boon ha ka luti.
Kiwi kiwa da klam ha kani ka sngi toh u Donkupar Syngkrem uwa da khana ya ka parom ka LSAYA katwa ka I. Rymbai won da e ko ya ki kyntien khublei.
Ya kani ka sngi da pynphooh da ki chaad wa ki rwai na ki khon yong ka chnong.
