Kam chibynta ka Reimagining Streets wow pynphooh pynphieñ ya ki luti ki syngkieñ, ka sorkar Meghalaya u pyrchang ko da ka Tactical Urbanism Trial Plan nadooh na IGP cha ka laad thaw psiah cha ka yung krehkaam ka DC.
Yeini da sdang deiwa chimbynta ki 25 ngut ki khynnah skur kiwa da niaam rong ya u sarok hakhmat ka Aayakar Bhavan ha ka 5 tarik uni u bnai deiwa pait ki sahep ka yung krehkaam ka DC, Urban Affairs Department wa PWD yow man ini i kaam iwa jop.
Kani ka Tactical Urbanism Trial Plan toh kawa pyrchang chipor, kawa duna i lut yow pait yei rukom man ka sor, i rukom pynwan dur ya ki thaw ki bhaw yow ye u pynlait thaw neibynta ki paidbah u pynemkaam ki deiwa pynman ki kiwa miat dur deiwa ya krehlang wa kiwa chong chnong yow pynmiat yei dur i dar ki luti syngkieñ yow man ki leh kiwa chngaaiñ ya ki paidbah u pynemkaam ki.
Yeini waroh u leh deiwa niaam rong, u booh ya ki Traffic Cone, ki kchu syntu, ki Signboard wei ha ka chi bnai u ap u sñiaw kammon ong ki paidbah chwa wow chna da kiwa man pura.
Hapoh ka Shillong Urban Mobility Policy wa da pynkhreh da ka sorkar Meghalaya ha u January 2024, da booh ka thong Vision 2030 wow e 30% u sarok neibynta ki Non-Motorized Transport deiwa kyrpang ya kiwa lai dei kjat wa kiwa pynemkaam Cycle yow man ka sor kawa ye u pynemkaam da waroh.
Discussion about this post