I pyndur e dawai yada khlam COVID-19 hapoh ka ri iwa chi sngi da pynman ynne ka sngi kawa tip leh kam ka ‘Dry Run’ ha kyllien ki jylla ha ki wa thaw wa da jied kiwa em 259 tylli ha ki 116 tylli ki District ka ri.
Neiliang u Union Minister for Health & Family Welfare, u Dr. Harsh Vardhan da lai pait u ya ini ha GTB Hospital ha Delhi.
Da kyntu u ya ki paidbah wym toh u chah yahbkla lane u tieñ wow chim ya ini i dawai neibhah da e bor wow pynemkaam ya ini i dawai hadien wa da dep bichaar thij katkam ki kyndon.
Da pynkynmoo u wa nyngkong yei dawai Polio leh em kiwa artatien ki tangwa ym toh wow myllin wa ini i dawai toh iwa da yarap bha katni.
Hawa kylli da ong u wa i dawai haka Phase-I u man ko iwa mynkna hapoh ka ri.
Kam wow pynkynmoo wa ynnin ka sngi da mynjur ya i dawai (Vaccine) wa pynkhreh daka Oxford University waka AstraZeneca iwa tip kam i Covishield wow pynemkaam hapoh ka ri iwa daw chna hapoh India da ka Serum Institute of India kawa em ha Pune.
