Jowai: ka Dorbar Chnong Loompyrdi Iongpiah kam kawi na ki chnong wa embynta wow pyndep ya ka lehniam ha Yung Langdoh ha ka Chaad Niam Behdieñkhlam ka Raij Jowai , ynne ka sngi Mulong 28 tarik, chibynta i pynkhreh yei wan ki Soo Sngi Le Yaw da pyndep ko yei pynkhooid pynjngiar ya ki thaw wa em hapoh u pood ka chnong.
Ha kani ka sngi ki khon ka chnong da mih yonglang ki wow pynkhooid ya ki luti syngkieñ wa kiwi kiwi ki bynta.
Hei yaklam wa u R.L. Bimee Suwer, General Secretary ka chnong da ong wa hapyrdi i tynjooh wa wan ha kam ini i por, neibynta i burom u Trekirot ha ki Soo Sngi Le Yaw kam ki khon ka chnong man ki kiwa da pynkhreh wow pdiang yei wan kitæ ki sngi wa kyrpang u Trekirot wei kam ka chnong u yaleh ko katwa ye walah u pynman ya kini ki sngi kiwa phooh wa phieñ wei chongbru chongblai deiwa bood ryntih leh ya ki hukum adong ka sorkar.
