Jowai : Ha u snem 2013 ka sorkar Meghalaya da phah soskular ko cha waroh ki Deficit School lait noh kiwa pyllai da ki Niam yow chimkti noh ka sorkar ki. Yeini da pyrchah joor kiwa pyllai ya ki skur wa ym chaniah ki ya ka sorkar yow pyllai ya ki skur.
Kamtæ ka seiñ Joint Action Committee of the All Teachers’ Associations of Meghalaya (JACATAM), da tyrwa ko yow chimkti (provincialise) ka sorkar du ya kiwa sikai donhi kiwa kynthup lang ya kiwa sikai Secondary wa Higher Secondary. Iwa mut ya ka tulop wa kiwi kiwa emkaam ki wa sikai da kit khlieh da ka sorkar ymtoh de da ka School Management Committee.
Deiwa provincialise ya ki wa sikai Deficit wa ki Ad-hoc da yooluti yow yoh ya waroh ki myntoi wa yoh ki wa sikai ha ki skur sorkar kam i yarap heipor wa kjut, ki pension wa kiwi kiwi neibhah i kreh man i i jooh hanlada sikai ki ha kawon kawon ka skur.
Hei yatoh i pynslem ka sorkar u chimkti noh ya ki wa sikai ka Khasi Jaiñtia School Deficit Teacher’s Association (Jowai Zone) kawa em leh hapoh yong ka JACTAM-West Jaiñtia Hills Zone ynne ka sngi da li chong ki ha MTC Bus Stand, Jowai yow pynyoo yei dak pyrchah wa ym em chimkhia ka sorkar yei dawa yong ki.
Ya kani ka yakhih u pynman ya ka nadooh ynne ka 27 tarik hadooh ka 29 tarik.
Yeini i yakhih da kyrchaan leh da ka Meghalaya Upper Primary School Teachers Association (MUPSTA) heiwa ki lai kreh ki tangwa ym em chim class ki neibhah ka sorkar leh ym pu em leh ko yei dawa yong ki yow pynku tulop ya ki kamjooh yow yoh yei tipmit wa pura (regularise) na ka sorkar.
Discussion about this post