Jowai: Ka satri ki seiñbhalang ka jylla hapoh ka lama yong ka CoMSO kam chibynta i krehlang wa ka NEFIP wow pyrchah yei thmu ka sorkar NDA wow wanrah biang ya ka CAB ha kani ka dorbar tlang da rai ko wow pynman ya ka yakhih “Stay off the Road Peaceful Protest”.
Kani ka yakhih u man ko nadooh 7:00 i miet ka 18 tarik hadooh 6:00 i step ka 19 tarik wei u pynbood biang won ha ka 19 tarik ha i jooh i por.
I thmu wow pynman ya kani ka yakhih toh wow pyrchah ya ka sorkar India wa kam ka jylla wa ka jaitbru yei thmu wow pynman aiñ ya ka CAB, 2019.
Ynne i miet ha ki por wa da sdang krehkaam kani ka yakhih da sakhi yei thang chaka hapyrdi ki sarokbah kam ha Ialong.
Da em leh i thang chaka ha Lad Nartiang, Jowai wa hajan ka Gate Kiang Nangbah Government College, Jowai.
Discussion about this post