Jowai : ka seiñ Lei Synchar Cultural Society kamwa jooh man, ynne ka sngi da sdang ko ya ka 19 Youth Conference neibynta ka sngi yap u Kiang Nangbah ha yung skur ka Seiñraij Higher Secondary School, Dulong.
Ya kani ka Conference da pynman hajrong ka phang, “I kit khlieh wa e mynsien wow Makhane, ha ka yurim wa tyour u manchwa”.
Hachwa wow sdang ka conference da em ka yalang tbian ya kawa da pyllai da ka President ka LSCS ka kong Meena Laloo, wei da yoh ya ki kyntien ngooh blai na u Heipormi Challam.
U General Secretary ka seiñ u Kamnipaia Challam da e u ya ki kyntien lamkhmat.
Ha kani ka sngi u ma EMH Passah da man u kam u Kongsan, wei ha i klam da e yaroh u ya ka seiñ wa da ye ko u pynman ya kam kani ka yachemlang la 19 sien kattu.
Ha kani ka yachemlang ki khynroo khyllood da wan yachim bynta da ki spah ngut na kylleiñ ka ri loom Jaiñtia.
Ha kani ka sngi u ma Jait-da Oo Sumer uwa man u President ka Kiang Nangbah Iasiat Khnam Memorial society Jwai da klam u ya ka phang ‘U Kiang Nangbah u Khlawait Ka Ri”.
Da yoh leh yei klam na u K.F. Laloo uwa man u Chairman ka Niamtre Committee yong ka Seiñraij Jwai da klam u hajrong ka phang “Kit Khlieh wa e mynsien wow makhane ha ka Yurim wa tyour u manchwa” katwa u ma Puramon Kynjiñ da klam u hajrong ka phang “I kaamram ka khynroo khyllood ha ki Niam”.
Discussion about this post