Ynne ka sngi da wan wai ya ka ya ka lympung yalehke Basketball neibynta kiwa 30 snem chaneiñ i rta ha Shillong kawa tip kam ka 1st Veteran Basketball Tournament wa pynman da ka East Khasi Hills District Basketball Association da u Father Anthony, u Principal ka St Anthony’s Hr Sec School, kam u kongsan hei emlang u symbood kongsan, u O. Mawthoh, District Sports Officer East Khasi Hills wa u Donald Wahlang, General Secretary ka Meghalaya Basketball Association heiwa ya ki yalehke da pynman ha St. Anthony’s Hr. Sec. School hi.
Da pynman ynne ya 7 tylli ki yalehke kiwa ar tylli ki yong kynthai wa 5 tylli ki yong chynrang. Ka Iaineh, Nongrim Hills waka Madanriting da jop ki ha ki yalehke wa nyngkong ki chynrang katwa ha ka yong ki kynthai ka Splash waka SYM da yoh ki yei jop.
Ka yalehke wa yathaaiñ bha toh hapyrdi ka Nongrim Hills waka Nongstoin Ballers heiwa da rai ya kiwa jop ha ka minit wa khaddooh. Da pynjop da u Pleasantly wa u Sunny Pathaw ka Nongrim Hills kiwa da pynyoo yei sap yong ki kam kiwa yalehke wa da yoh wow chimbynta hadooh ki kyrdan yalehke ka ri yow pynjop da 4 Point ya ka Nongstoin Ballers. U John Fisher uwa naka Nongstoin Ballers da yoh u 19 Point tangwa da dooh u wow pynjop ha ki bynta wa kut ka yalehke.
Kiwa jop ha ki yalehke ki chynrang:
Ka Nongrim Hills (Pleasantly Synnah 11 pts, Sunny Pathaw 9 pts) da jop ko ya ka Nongstoin Ballers (John Fisher 19 pts) da 43-39, ka Iaineh S.C (Donbok Kharkongor 15 pts) da jop ko ya ka Easter Range (Sunny Syiemlieh 8 pts) 45-36, ka Madanriting (Steve 13 pts) da jop ko ya ka Promising (Bankit 6pts), ka Iaineh SC (Dulon Kharsati 24 pts) da jop ko ya ka Lumshyiap United (Emerald Kharlulhi 11 pts) da 62-23, ka Eastern Range (Wanrapborlang Laitmon 11 pts) da jop ko ya ka Mawphlang (D Kurbah 6 pts) da 48-10.
Kiwa jop ha ki yalehke ki kynthai:
Ka SYM (Dari Pathaw 10 pts) da jop ko ya ka Promising SC (P Dkhar 5 pts) da 33-10, ka Splash (B Lyngdoh 6 pts) da jop ko ya ka Lawsohtun Marvels da 19-02.
