Sdang ka 1st Wailadmiki Shylla Youth Festival 2026 da ka Marathon

Ka 1st Wailadmiki Shylla Youth Festival 2026 toh kawa da pynman da ka NPYF 2- Jowai Constituency wei kani ka tamasa da sdang ko ynne ka sngi da ka Marathon na Madan Jrisaleiñ, Chutwakhu, Jowai.

Ha kani ka Marathon da wan boon ngut kiwa chimbynta kiwa kynthup ya ki chynrang wa khynthai heiwa i phet pyllah da sdang heipor 6:30 i step hei emlang u Deputy Commissioner ka West Jaiñtia Hills.

Kani ka Marathon da sdang ko nadooh na Madan Jrisaleiñ ter-ter chadooh cha Madan Thad Mukhla, West Jaiñtia Hills.

Neiliang ki chynrang da yoh nyngkong da u Dabit Dkhar, ya ka kyrdan ka wa ar da rah da u Dasamon Kyndait katwa ya ka kyrdan kawa le won da rah da u Sienmiki Kyndait kiwa waroh na Sabah Muswang.

Related posts

Pdengshakap Football Tournament: Jop ka Shkenpyrsit wa ka Ryntihlang

January 3, 2026

Poi ka Open-to-All & 1st Veteran Table Tennis Championship ka WJDTTA cha wakut

January 2, 2026

Najrong kiwa jop da em leh ki Prize wa kyrpang neibynta kiwon kiwon kiwa poi hadooh wa kut yong kani ka Marathon, heiwa na kiwa khian dooh i rta da yoh da u Don-akor Shylla uwa ar snem chiteiñ i rta na Sabah Muswang, katwa uwa heh dooh i rta da yoh da u John Ryngkhlem uwa 65 snem i rta na Sohmynting.

Neiliang ki kynthai da yoh nyngkong da ka Phyrnai Kyndait na Mukha Ialong, hei wa ar da yoh ka Merry Green Pale na Mynsngat katwa hei wa le won da yoh da ka Happiness Phawa kawa na Sabah Muswang.

Neiliang kiwa khian i rta da yoh da ka Na-Osaka Kyndait kawa 4 snem i rta na Mukha Ialong wa ka Saphika Pyrtuh kawa 4 snem i rta kawa na Sohmynting. Neiliang ki waheh i rta da yoh da ka Ephing Khriam kawa 61 snem kawa na chnong Niriang.

Kiwa yoh nyngkong da yoh ki mar Rs. 10,000, kiwa yoh wa ar mar Rs. 5000 katwa kiwa yoh wa le da yoh ki mar Rs. 2000. Katwa kiwa heh rta wa kiwa khian rta da yoh ki mar Rs. 2000.