Ynne ka sngi da sdang ya ka 2nd Division ka Thadlaskien Football Association kawa tip leh kam ka Joybell Suiam Memorial Football League 2nd Division, heiwa da wan wai ya ka da u Jesse Suiam, MDC ka Moodymmai Nongkhroh Constituency.
Ya kani ka 2nd Divison ka TSA da e naam hei pyrtuid ka bei u Jesse Suiam uwa da e (Sponsor) leh ya ka song poisa cha kiwa jop Final deilang kiwa rem Final.
Hachwa u sdang ka yalehke, da em ka yalang wa tbian wa pynlai da u President ka TSA, u Kmenlang Shylla, da yoh leh yei klam na u General Secretary ka TSA, u Ebormi Lyngdoh chirup i emlang kiwa kitkaam ka TSA nadooh u Everist Pariat, Vice President, u waheh chnong ka Wahiajer, u Sanwotki Laloo wa kiwi ki waheh.
Ya ka yalehke da sdang da ka Karu SC pyrchah ya ka Lad Mukhla heiwa ka Laru da jop ko da 3-0.
Ha ka yalehke wa ar, ka Thadmusem da jop ko ya ka Modop da 2-1.
Ki yalehke wa bood u pynman ha kani ka 4 tarik hapyrdi ka Iongshiwiat wa Maskut heipor 10:00 waje i step wei daw pynbood da ka Namdong-A wa Mukhla Wahshnong heipor 12:00 waje pyrdi sngi.
Ha kani ka samoi waroh ki Team wa em hapoh ka 2nd Divison toh 33 tylli, ha ka 1st Division 16 tylli katwa ha ka Super Division da em 10 tylli.
Discussion about this post