Sdang ka 2nd Round ka Super 4 Football Tournament

Jowai : Ka yakhun 2^nd Round ka 1^st Evening Super 4 Football Tournament da sdang ya ka nadooh ka 08.11.16 heiwa da pynman ka wi ka yalehke man ka miet heipor 7 waje.

Ha kani ka 2^nd Round da sah sa 16 tylli ki dhab wei da sdang ya kani ka Tournament da 32 tylli ki dhab.

Ha ka yalehke wa pynman ha ka 8 tarik, ka Kber FC da yakhun ko wa ka Cham Cham United FC heiwa ka Cham Cham da jop suk ko da 8-3.

Ya ki kool ka Cham Cham da thap da u Mayalang Lanong ha ka minit wa 12 wa 22,u Donbok Bamon ha ka minit wa 21, u Yultideborn Langbang ha ka minit wa 25, u Obert Dkhar (Own Goal) ha ka minit wa 30, u Damehi Syih ha ka minit wa 30 wa 60 wa u Ewami Lakiang ha ka minit wa 42.

Ya ki letylli ki kool ka Kber da thap da u Damehi Langshiang ha ka minit 27,28 wa 40.

Related posts

Psiah Quarter Final ka Diengshynrum ha ka Meghalaya Women’s State League 2025

October 12, 2025

Psiah Final ka Jai Jai United wa ka Sakhaiñ Mooliment ha ka 2nd Division ka SBSA

October 11, 2025

Ha ka 9 tarik won ka Damanle FC da yaleh pyrchah ko wa ka Tyllilang FC. Ha kani ka yalehke ka Damanle da jop ko da 6-2.

Ya ki kool ka Damanle da thap da u Yokima Paswet ha ka minit wa 4 wa 9, u Pynsan Dkhar ha ka minit wa 18, u Simion Suchiang ha ka minit wa 42 wa 57 wa u Ewami Langstang ha ka minit wa 53.

Ya ki kool ka Tyllilang da thap da u Samehi Langshiang ha ka minit wa 17 wa Daiohimi Dkhar ha ka minit wa 55.