Sdang ka 3rd 7-A-Side Football Tournament ka Youth Social Welfare Pynthorlangteiñ

Ka 3rd 7-A-Side Football Tournament wa pynlai da ka Youth Social Welfare Pynthorlangteiñ da sdang ka haka 11 tarik uni u bnai da ka yalang wai pyrda wa pynlai da u Daoohipaya Lipon wei da yoh yei klam pdiang sñiawbha ya waroh da u Haoodakmen Ryngkhlem, Vice President ka seiñ wei da pynbood da ki kyntien kyrkhu khyrdoh na ka chnong da u Eborker Lipon, Symbood Waheh Chnong uwa da chim leh ka bynta yow pyntipmit ya kiwa ksohkaam yong ka seiñ neibynta ka samoi 2024-2026.

Yei klam maitphang ya ka seiñ kamjooh i e mynsien da pynsñiaw na u Emonlangkioo Lipon, President ka seiñ wei da yoh yei klam e mynsien, kamjooh ki ktien kyrkhu khyrdoh na u Samuel Chyrmang uwa man kam u kongsan, wei pynbood da i klam na u Monjurlang Pyrtuh wa na u Jersom Shylla, President yong ka JSU.

Da yoh leh ya ki kyntien sneiñ kyntien kroo na u S. Manner, OC ka Jowai Police Station uwa man kam uwa chah khut kyrpang uwa da klam leh yei emkaam i chait i khiah wa i emkaam wow pynkhlan yei chait i khiah khamtam i yakhun pyrchah yei drugs.

Da pynchongchit ya kani ka yalang da i chaad na ki dkhot yong ka YSWP.

Related posts

Super Divison Saipung: Jop ka Narwan wa ka Pyrdung

November 25, 2024

Yoh takma ki ar ngut kiwa na East Jaiñtia ha ka lympung yakhun Karate wa pynman ha New Delhi

November 25, 2024

Ha kani ka yalang, ka YSWP da yoh ko leh u pynkup burom ya u Dr. Tyrchaiñ Mitre Lipon, uwa man leh kam u Secretary ka seiñ, uwa da yoh yei kyrdan Ph.D na ka skurbah NEHU, Shillong, ha ka Subject Chemistry.

Ya ki kyntien e khublei ya waroh wa da wan cha kani ka sngi da yoh na u Dr. Tyrchaiñ Mitre Lipon uwan man kam u Secretary yong ka seiñ.

Hadien wa kut kani ka yalehke da em leh ka yalehke yong lok hapyrdi ki pulit ka West Jaiñtia Hills District waka YSWP, heiwa ki pulit da da jop ki da 2-0.

Ya ka yalehke wa nyngkong kani ka Tournament da pynman hapyrdi ka Moosakhia FC waka SBS FC, heiwa ka SBS FC da jop da 3-0, da ki kool wa thap da u J. Mukhim (23′), kawi won kawa toh thap bakla pyn cha idæ (28′), katwa ya ka kool wa le da thap da u L. Dkhar (57′).

Ki yalehke u pteiñ won ki ha kani ka 17 tarik heipor 1:00 waje i sngi hapyrdi ka Khliehtyrchi FC waka NCS FC, katwa hei por 3:00 waje won ka Samanong FC u yachem ko waka Sperbha FC.