Shillong: Ka Bethany Society of Shillong da jop ki ya ka yalehke wa nyngkong ka Pool B ha ka sngi sdang ka 3rd North East Blind Football Tournament deiwa pynrem ya ka Moran Blind School of Dibrugarh da 7-1 kawa pynman ha Shillong Public School ynnin ka sngi.
U Gabriel da thap u 5 tylli ki kool wa ar tylli na u Hitler katwa ya ka Moran da thap u Neerav.
Ha ka yalehke wa bood naka Pool A, ka Handicapped Association of Manipur da yachem ko waka Garo National Blind Football Club wei ka yalehke da kut ko khlem em wa yoh u thap kool.
Ka yalehke da pynman mar 5 ngut chiliang heiwa da pyndait da ki Bell ha ka bol yow sñiawthooh kiwa yalehke kiwa man kiwa duna heibor khmat heiwon em ka bol.
Chah hi leh ya ki Coach yong ki wow kbai ki narood madan yow batai heiwon em ka bol wa uwa yang kool uwa man samen na chiliang wa chynna u pait katwa uwa yang kool ka Moran em u i duna ha i bor khmat.
Waroh ki Team wa wan chimbynta da em ki 10 tylli.
Ha ka sngi wai da em u Sports & Youth Affairs Deputy Director JR Marak kam u kongsan, da em leh ka Bertha Dkhar wa Carmo Noronha na Bethany Society, kiwa yarap ya ka Indian Blind Football Federation wow pynman ya kani ka tournament ha Shillong wa u Arki Nongrum u CEO ka Meghalaya Football Association.
Discussion about this post