Ka Rumshnong Youth Club Bataw ynnin ka sngi da yoh ko u sdang ya ka lympung yalehbol kawa tip kam ka 3rd RYC Bataw Knockout Football Tournament 2024-25 wa da pynman ha madan Lacheh Playground Bataw heiwa da wan embynta da u Officer In-charge ka Ladrymbai Police Outpost, u C. Rymbai kam u kongsan heithaw u B. Diengngan, Additional Superintendent of Police, East Jaiñtia Hills District Khliehriat u wym lait u wan na ki daw wym ye u kiar.
Ya ka yalang da pynlai da u Ampli Rupsi uwa man kam u General Secretary yong ka Club kamjooh da yoh yei klam maitphang na u Deihok Sumer uwa man kam u Waheh Chnong heijooh i por kam u President ka Club.
Da yoh leh yei klam na u Roland Suchen, Founder Secretary yong ka club, u Bhalang Suchiang uwa man kam u Chairman Chnong kamjooh u Mathew Pajat kam u President ka FKJGP SEBA Circle.
U kongsan hawa e yei klam da pynsñiaw u yei sñiawsuk wow tip wa ka Rumshnong Youth Club Bataw man ko ka Club wa da rim bha hapoh ka chnong Bataw kawa sdang u kynjoh yei rta wa 58 snem hei chakri yei kaam imlang sahlang wei kamjooh u pynchlur yei kaam Sports.
Chooh chooh da ong u wa ki khynroo ha kini ki sngi da ku ki na kawi ka sngi cha kawi tawan hei wow kynrong yei sap wa em ha ki ha ki kaam yalehbol wei da kitbok kitrwiang u ya ki 16 tylli ki Club wa ya chimbynta u yalehke bha yoh u rah ya ka thong jop.
Ha ka yalehke wa sdang yong kani ka Tournament, ka yalehke man ko hapyrdi ka Lama YSC pyrchah ya ka Tpepswer WSSO Wapungskur heiwa ka yalehke man ko kawa yoosuk bha wei kawa yatoh bor bha wei da kut khlem wa yoh u thap kool.
Kamtæ da pynman da ka yachut Tie-Breaker heiwa da jop da ka Tpepswer WSSO Wapungskur da 4-3.
Ka kyrwoh wa da phah da u Sports Secretary ka Club, u Niki Lyngdoh.
Discussion about this post