Ka lympung yalehke wa tip kam ka 4th T20 Knock-Out Cricket Tournament 2026 kawa pynlai da ka Sports Social and Cultural Club, Ummulong da sdang ko ynne ka sngi ha Mini Stadium Ummulong heiwa ka yalehke wa nyngkong da man ko hapyrdi ka The Legends pyrchah ya ka Johnny John C.T.
Da wan wai ya kani ka lympung da u Ebormi Lyngdoh, General secretary ka TSA kam u kongsan hei emlang u Damechwapaya Dhar, President ka NPYF 1-Nartiang Constituency kam u symbood kongsan deilang wa ki dkhot EC ka chnong, ki dkhot ka Ummulong Sport Club, ki waheh wasian yong ka chnong wa kiwi tawon ki marjan chnong.
Ha ka yalehke ynne, yei kylla-khlem da jop da ka Johnny John kawa da jied u bol nyngkong wei ka The Legends da kamai ko 177/9. Uwa kamai boon Run dooh toh u Hoppermon Rymbai uwa yoh 59 Run wa u Arman Dkhar uwa yoh 23 Run. Neiliang kiwa kawang bol ka Johnny John da lehbha u Langmi Bamon uwa da yoh 4 Wicket wa u Kermiki Bamon uwa da yoh 3 Wicket.
Hawa kdong yaka thong, ka Johnny John da ye ko u yoh 141 Run deiwa haap lut waroh ki Wicket. Uwa dat wa kamai Run boon dooh toh u Cleofast Bamon uwa yoh 41 Run wa u Langmi Bamon 36 Run. Katwa neiliang ka The legends u Arman Dkhar wa u Rainbow Phawa da yoh ki mar 3 Wicket.
Kamtæ ka The Legends da jop ko da 36 Run ya ka Johnny John C.T. heiwa u Man of the Match ha kani ka yalehke toh u Arman Dkhar.
Discussion about this post