Ki pulit ka 6th MLP BN Umran da pteiñ ki wow pynman ya i pynche pynsñiawthooh paidbah hajrong ka khlam COVID-19 khamtam neibynta ki chnong kiwa em talawiar ka Headquater ka Batallion.
Neiliang u Commandant ka 6th MLP BN Umram u Lakador Syiem da ong u wa hadien wa ku syndet kiwa yoh COVID-19 ha ka jylla wei katkam i rai ka Police Headquater, ki dkhot ka Health & Hygiene Committee da sdang ki ya ka ‘The Awareness & Behavioral Change’ kawa tip leh kam ka ABC Campaign nadooh ka 21 tarik uni u bnai na chnong Umran Niangbyrnai.
Da ong u wa ki pulit ka Batallion da e chakri ki palat bar yei kaamram ki namo ka ‘Beyond The Call of Duty’ wow pynsñiawthooh paidbah hajrong kani ka khlam neibhah wa ki bru da sdang mylliñ ki ya ki laad yada na ka khlam namo ki SOP wa i myllien yei rukom im deiwa yada na u COVID-19.
Da sdang leh wow saam ya ki kot lakdop, i e wyrta paidbah, i biah Poster wa kiwi kiwi katkam wa e da ka yung krehkaam DMHO Ri-Bhoi District.
Ki chnong wa da pynman ya ini i pynsñiawthooh toh ha Umran Niangbyrnai, Lumkeni, Nongdewsaw, Mardon Mawtari, Mardon Nongbah, Umksih, SOS Children’s Village, Lad Umsaw Umiam, Umtasor, Kynjoin Umran, Mawiapbang, Maweitnar wa Umtasor Nongjyrmie.
Ha kiwi ki chnong wa em talawiar ka BNHQ daw pyndep ya ka ABC Campaign ha ki sngi wow wan.
