Jowai: Ka yalehke Badminton wa tip kam ka 9th District Open Badminton Championship wa pynlai daka West Jaintia District Badminton Association da sdang ko ynnin ha 7 tarik ha Yungwalieh ka Dorbar Chnong Dulong, Jowai.
Ha kani ka sngi sdang da wan wai pyrda da u Kmen Lang Tariang hei emlang u President ka WJDBA u J.M. Pohsngap, ki dkhot ka seiñ, kiwa chimbynta wa kiwi wei ya ka yalang ba pynlai da u Rimilan Passah, Chairman ka Tournament Committee.
Da wan chimbynta kamwa 142 ngut ha kani ka lympung kynthai wa chynrang ha ki kyrdan waphær waphær,wa kynthup haka Men Single, Men Double, Open To All, ka 50 snem chaneiñ ka Men Single wa Double, ka 40 snem chaneiñ Men Single wa Double, kamjooh ka kyrdan Women Single, Women Double waka Mix Double.
Hawa kyruiñ cha ki yalehke wa sdang kani ka sngi sdang, haka kyrdan Men Double wa 50 snem chaneiñ, da jop u Ambrose Gatphoh wa u Riki Challam kiwa pynrem ya u Shiboon Pohlen wa u Kiroisan Bareh da 21-18, 15-21 wa 21-18.
Haka kyrdan Men Double 40 snem chaneiñ, da jop da u Dawanmi Challam wa u Teddy Laloo deiwa pynrem ya u Homelin Bareh wa u Dawanroi Pyrbot da 21-16, 21-13.
Discussion about this post