Sdang ka ACHIK yei yakhih dawa pynman Winter Capital ya ka Tura

Ka A·Chik Conscious Holistically Integrated Krima (ACHIK) da sdang ko ya ka yakih deiwa lum yei soi pyrtuid namo ka Signature Campaign yow dawa pynman ya ka Tura kam ka Winter Capital ka jylla Meghalaya. Kani man ko leh kam chibynta wow pynsñiawthooh paidbah yei emkaam wow wanrah ki kaam wa man salonsar yow pynbiang yeiwa emkaam ki jaitbru Garo.

Ka ACHIK da ong ko wa ha kini ki por wa tyllung smat emkaam wow kduplang ya ki Garo ha ki kaam pynroi yow wanrah ya ka mynried wa tyrchaaiñ nadooh ha ka imlang sahlang kamjooh leh ka khayi pateiñ wa waroh wa em ha ka soodong sookun. Da yooluti wa deiwa pynman ya kani ka yakhih daw pynchlur ko ya ki bru wow wan chakhmat yow yaklam yei eh i khoo wa maad ki man-ka-sngi.

Da ong leh wa deiwa wan ki bru wow soi pyrtuid daw man ko leh kam wow pynlang ya iwi donhi i sur yow dawa yei roi i paar, ka puræ puthi wa biang, i sumaar sukhær, u pynneh yaka riti dustur, u yada yaka rym-aw wei wow pynyoh yei hok wa toh u yoh haka imlang sahlang.

Kamtæ da yooluti wa daw wan waroh nadooh ki waheh wa ki khynnah na waroh ki jait kaam yow kyrchaan wei wow tipmit ya ini i dawa yow wanrah leh yei yatylli yow pynkylla dur ya ka Ri-loom Garo.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Kani ka Signature Campaign man ko leh kam chibynta ka yakhih chah thngan wa khlem da booh por yow dawa pyndap yei kreh wa da dooh bhah ki Garo nadooh nachwa.