Sdang ka All Jaiñtia Meet ka JSU-SC da ka Futsal Tournament

Shillong: Ka JSU Shillong Circle ynne ka sngi da sdang ko ya ka “All Jaiñtia Meet -2018” deiwa pynman ya ka Futsal Tournament kawa da wan chim bynta hadooh 32 tylli ki dhab ha madan Polo.

Ya kani ka lympung daw wan wai da u Dasakhiatbha Lamare u MLA ka Mawhati kam u kongsan wei da em u Daniel Dann uwa man kam u District Sports Officer (DSO) ka East Khasi Hills kam u symbood kongsan wei da em leh u u Captain ka Langsning FC wa u Jersom Shylla u General Secretary ka JSU Central Body wa kiwi kiwi de.

U kongsan ha kani ka sngi wai da e yarap u ya ka seiñ da ka poisa wa T. 10,000 yow ye ka seiñ u lai cha khmat wow pyndep ya kani ka kaam wei u DSO leh da yarap wow e da ki tiar yalehke cha ka seiñ yow man kani ka Tournament ka wa jop.

Ha ki yalehke wa pynman ynne ka sngi da yoh wow pyndep ya chiteiñ kiwa yalehke ynne ka sngi.

Related posts

MSL 5: Psiah Semi ka Shkenshynriah deilang ka Langsning

May 26, 2026

Yoh u Phrangki Buam yei naam Most Valuable Player ha ka Indian Football League 2025-26

May 25, 2026

Ka Pnar Tigers da pynrem ko ya ka Challengers FC da ka yachut Tie Breaker, ka Nongtymmai Lumiablot da pynrem ko ya ka Friends United da 3-0, ka Red Devil da pynrem ko ya ka NEHU Team A da 1-0, ka Rastafarian da jop ko ya u Spartan da 5-2 , ka The Challenger da jop ko ya ka Snar (Shangpung) da 4-1, ka Mookrydup da jop ko ya ka Pam Syllat FC da 2-1, ka Shillong Press Club da jop ko ya ka Nongtalang FC da 3-1, ka Tylliang FC da jop ko ya ka Dawki da 2-0 wa ka Iong I FC da jop ko ya ka Mawbah United FC da 5-1.

Mynstep ka sngi ka nadooh 9 waje i step ter ter daw yachem ka NEHU Team B pyrchah ya ka Biang Beit FC, ka Tur Shaphrang u yachem ko waka Nongpdeng Guys FC, ka MJ United FC u yachem ko waka Lumkshaid FC, ka NET Link FC u yachem ko waka Agro FC katwa ka Rympei FC u yachem ko waka East Jaintia FC.