Sdang ka bynta wa ar ka Nasha Mukt wow yakhun pyndooh jait yei pynemkaam drugs

Ha ka yurim wa ka thong yong ka Ministry of Social Justice and Empowerment ka sorkar India yow yakhun pynduna kamjooh u  pyndooh jait nei pynemkaam drugs ha ka ri wa ka jylla, ynne ka sngi ka yung krehkaam u Deputy Commissioner, West Jaiñtia Hills District deilang wa ka yung krehkaam ka District Social Welfare Officer, West Jaiñtia Hills District ha chirup i emlang ki NGO waphær waphær, da wai ki yow sdang noh sei bynta wa ar yong ka Nasha Mukt wa tip kam ka District Level Nasha Mukt Bharat Abhiyan Campaign 2025.

Ya kani ka Campaign daw pynkrehkaam da ka chnat Social Welfare, ka chnat Police, ka District Medical & Health Officer (DM&HO), ka District Legal Service Authority (DLSA), ka chnat Sports wa ki NGO wa kynthup ya ka Breakthrough De-Adiction & Rehabilitation Centre Khliehtyrshi, ka Ferrando Home Care and Support Centre Ialong, ka Society for Urban and Rural Empowerment (SURE) wa ka Mihmyntdu Community Social Welfare Association (MCSWA) Jowai.

Ha ka yalang wai ya kani ka Campaign ha Training Hall ka yung krehkaam u Deputy Commissioner wa pynlai da ka District Social Welfare Officer Jowai, ka Y. Najiar, u DC u Abhinav Kumar Singh da pynsñiaw u ya ki bynta wa kongsan wa daw leh neini chakhmat dei embyntalang ki chnong ki thaw.

Wei kyrmen u leh lyngba kini ki laad ki luti, ka West Jaintia Hills District daw ye ko u jop ya ka thong yong ka Nasha Mukt.

Neitæ da pynbna haroh u ya ki kaam waphær waphær kiwa man chibynta kani ka Campaign wa kynthup nadooh i yakob dro, yakob phet Marathon, ki Drama tbian ha ki luti syngkieñ najrong i pynsñiawthooh paidbah ha kylleiñ ki thaw ka District.

Neiliang u Additional Superintendent of Police ka West Jaiñtia Hills, u Ishan Gupta, IPS, ong u i drugs man i i daw wa kongsan yong ka imlang sahlang wei man i kam ka khlam wa poor kylleiñ ka ri India heiwa ka jylla Meghalaya leh da ngatlang ko.

Related posts

Dawa ka PSM na u DC ka West Jaiñtia Hills wym toh u chim bai luti ha ka Toll Plaza neibynta ki kari ML04

January 12, 2026

Dawa ka HYC wow su ya ka tulop ki Contractual Nurse wa sahteiñ nadooh u Naichiphaw 

January 12, 2026

Tangwa hanla kattæ leh yooluti u wa dei yakrehlang ki chnat sorkar, ki NGO waphær waphær ka thong i thmu u man i iwa jop.

Kiwi won wa e i klam kynthup ya u Ambassador ka Nasha Mukt Campaign, u Chibait Langstang, ka Dr. JN Chullai Director MCSWA wa u C.S. Laloo, Rtd. Controller Legal Metrology, Jowai.