Ka yakob pynbha pynmiat ya ki dong ki chnat ka Shillong kawa da leh hapoh ka chnat Tourism da poi ko cha ka bhah wa ar namo ka Second Phase kawa da sdang ya ka ynnin ka 14 tarik uni u bnai ha ka yalang wa pynman ha yung krehkaam ka Deputy Commissioner ka East Khasi Hills.
Da saam leh ya ka chithi wow sdang kreh cha ki 23 tylli ki dong kiwa da yaleh wow pynman yei pynkhooid, i e rong, i dro dur, i booh ya ki Signboard, u thung dieñ, ki thaw chong ngiah cha luti syngkieñ wa kiwi kiwi de.
Ya ki dong wa da chimbynta da khana ya ki ya ki kyndon wei neiliang yong ki leh da yoh ki wow pynsñiaw yeiwa emkaam ki kamjooh iwa da chem ki ha ka bynta wa nyngkong kani ka yakob.
Da pyntip wa ka song poisa kani ka yakob haka bynta wa nyngkong waka bynta wa ar u man ko T. 10 lak hi kawa daw e cha kiwa jop hadien wa bichaar yei khooid, i miat, i rukom man ki yaw ki haat, i chngaaiñ i lai i wan kamjooh ki buit wa phær wa da leh yow pynmiat ya ka chnong ka thaw.
Kam wow pynkynmoo wa ha ka bynta wa nyngkong da em 34 tylli ki dong kiwa da ya chimbynta ha ini ha Shillong.
