Ka sorkar Meghalaya lyngba ka chnat Transport da rai ko wow pynkrehkaam ya ka Meghalaya Personal Accident Insurance Scheme kawa neibynta kiwa yah kari kamai kiwa em ya ka Professional Driving License wa da e da ka sorkar Meghalaya.
Kiwa biang wow yoh ya kani ka Insurance Scheme, hap ki wow wai ya ka Zero Balance Saving Account ha ka chnat State Bank of India wa em chajan ki lada ym em Bank Account chwa ki.
Kiwa kamai kari hap ki du wow pyndap ya ka Form wa emkaam deiwa pynyoo ya ka ID wa dang krehkaam, ka Driving License wa ki kot wa pynsakhiat yei thaw sah.
Kani ka Insurance Policy daw e yarap ko T. 4 lak lada yap mynsoo hei ya tyrrah kari katkam ki kyndon ka Policy.
