Ka yalang wai pyrda yong ka Chief Minister’s State Level Inter-School Athletic Meet 2023 da pynman ya ka ynnin ka sngi ha SAI, STC Shillong, NEHU Campus heiwa ka Isawanda Laloo, Director, Sports & Youth Affairs da wan embynta ko kam ka kongsan.
Ha uni u snem da em waroh 818 ngut ki khynnah wa da chimbynta na waroh ki District ka jylla ha kini ki le sngi itæ hadooh ka 2 tarik uni u bnai.
Neiliang ka kongsan da pynchlur ko ya ki khynnah wow em i mynsien wow yaleh deiwa khooid wei yooluti ko wa da ini i yoh u yachem kamni daw ye i leh wow pynyatoh lok, u man leh ki bru wa ryntih, kiwa yai chah wei ki wym randien hawa yaleh ha iwon iwon.
“Ki yalehke Sport toh kiwa ye u sikai ya i ya chiboon iwa emkaam u tip i hawa im wa hawa heh wa san i, waroh iwa chem ha ki madan yalehke man ki leh ki lynnong sikai ya i hawa im i,” da ong ka kongsan.
Ka kongsan deilang wa kiwi kiwa chah khut sñiawbha da pynhær ki leh ya ka lama kam ka dak wai ya kani ka yalang.
Kiwi de kiwa da emlang ha kani ka yalang toh u Working President ka MSOA, u John F. Kharshiing, u Assistant Director Sports & Youth Affairs, u P.B. War Nongbri wa kiwi de ki sahep na ka chnat Sports & Youth Affairs.
