Jowai: Ynne ka sngi da sdang ka Thomas Jones College ia ka college week ka iong ka. U Principal iong kani ka college da pynher u ia ka lama ka iong ka college hei por 11:00 i step ha chwa u sdang ia ka college week ka iong ki.
Da sdang won ia ka Fresher meet heipor 1:00 i jenmiet. Ia kani ka iachem lang iong ka khynnah thymme iong kani ka college da pyllai daki khynnah iong kani hi ka college. Ka Theme iong ka college week toh “Onward with an open mind”.
Sdang ia ka college week deiwa da leh ia ka Miss Fresher and Mr Fresher Thomas Jones.
Da pyllai ia kani ka program da u Pyniowdame Synkon waka Pinky Albester Lamare.
Ki nongbichar ha kani ka iakob Miss Fresher and Mr Fresher Thomas Jone Synod College da em ki 4 ngut, u W. Lamin, ka P. Susngi, ka U. Lamare wa ka S. Dkhar.
Ki nong iachim bynta da em ki kamwa 17 ngut ki kynthai wa 18 ngut ki chynrang. Ya ka iakob da pynman ha ki 3 kylla, Traditional, Casual waka Formal. Ha ka formal round da em leh ka bynta u kylli jingkylli ia ki nong iachim bynta.
Na ki 35 ngut ki nong iachim bynta, ka Khyllood Liberty Kyndiah da rah ko iaka nam Miss Fresher. Katwa ia ka symbood nongkong won da rah daka Pynkhreahbha Dkhar, ka symbood wa ar won da rah daka Charity Lhuid.
Yei nam Mr Fresher da rah da u khynroo Nangiohshwa Shadap, u symbood nongkong da rah da u Pynche M. Lakiang, u symbood wa ar won da rah da u Mebanplelad Shadap.
Ia kani ka college week da sdang ynne ka sngi nongkong ka 7 tarik, katwa u pynkut won ha ka sngi thohdieñ ka 11 tarik iong uni u Naikhynde.
Discussion about this post