Ka India Meteorological Department (IMD) da pyntip ko wa da em i sdang ka Cyclone ha Bay of Bengal nadooh ynne i step kawa da sdang ku cheiliang ka Cox’s Bazar, Bangladesh wei daw khlanbor ko katwa dang lai luti ko hadooh wow man ko kam ka Severe Cyclonic Storm hei step ka 11 tarik wei daw joor bha ko kat hei miet.
I thaw wa sdang kani ka Cyclone toh iwa jngai 520 Km na Port Blair, Andaman & Nicobar Islands wa 1410 Km na Cox’s Bazar.
Daw dong ko cheiliang ka ri Myanmar hei step ka 12 tarik wei daw tlot ko ha ka 13 tarik i janmiet heipor kat u poi ko ha Cox’s Bazar (Bangladesh) wa Kyaukpyu (Myanmar) deilang waka la-ær wa smat 110-120 Kmph.
Kani ka Cyclone daw wanrah slap ko ha Andaman & Nicobar Islands nadooh ka 12 tarik, ha Tripura wa Mizoram daw joor u slap ha ka 13 wa 14 tarik.
Ha jylla Nagaland, Manipur, East Arunachal Pradesh wa South Assam iwa mut ki bynta khappood wa ka Meghalaya daw joor u slap ha ka 14 tarik.
Da maham leh ya kiwa khwe cha duriaw kamjooh leh ki jhaad ki lieñ wa kit mar ha kini ki sngi wei wow khang leh ya ki kaam uiñke suwari ha Andaman & Nicobar Islands hadooh ka 13 tarik.
